انا مش هحلل و اناقش و احاول اقنع ﻹني ببساطه مش محتاج اقنع اي حد .....انت كده مقتنع من جواك برأيي بس بتحاول تضحك على نفسك
#مقاطعون عشان الناس متنزلش تاني مضحوك عليها زي اﻹستفتاء على التعديلات الدستوريه
#مقاطعون عشان انتخابات في المناخ ده هي تزوير ﻹرادة الشعوب
#مقاطعون عشان نفس لجنة انتخابات الرئاسه رافضه تماما الرقابه الشعبيه او رقابة اي منظمه حقوقيه
#مقاطعون عشان لجنة انتخابات رئاسيه كلها فلول
#مقاطعون عشان لما يبقى عندي 10 مليون اسم مكرر في كشوف الناخبين ....و اسامي الجيش و الداخليه كمان دا غير الموتى و تقولي انتتخابات مش هتتزور
#مقاطعون عشان لما يعمل انتخابات مجلس الشعب على 3 مراحل عشان مفيش قضاه .و بقدرة قادر يعمل انتخابات الرئاسه على مرحله واحده و قاض على كل صندوق
#مقاطعون عشان انتخابات ملهاش ضمانات بتسليم صريح للسلطه تبقى انتخابات عرفيه او صوريه
#مقاطعون ﻷن مينفعش انتخب حد و انا معرفش هو هيعمل ايه ؟ او سلطاته ايه
#مقاطعون ﻷن المشاركه هي اعتراف بالعسكر و موافقه على كل اللي بيعملوا
#مقاطعون
No comments:
Post a Comment